राज्य सरकारच्या निर्णय: घरगुती विजग्राहकांना दिलासा, स्मार्ट मीटर ला स्थगिती..

604 Views

 

प्रीपेड वीज मीटरसंदर्भात माजी मंत्री डॉ. फुकेनी मुख्यमंत्री, उपमुख्यमंत्री यांचे मानले आभार..

भंडारा,दि.१५ : राज्यातील सर्वसामान्य विजग्राहकांची कुठल्याही प्रकारची गैरसोय होऊ नये, ही गोष्ट ध्यानात ठेवून राज्य सरकारने स्मार्ट निर्णय घेऊन प्रीपेड वीज मीटरच्या संदर्भात घरगुती वीजग्राहकांना दिलासा देण्याच्या उद्देशाने उपमुख्यमंत्री व ऊर्जामंत्री श्री. देवेंद्र फडणवीस यांनी निर्णयाला स्थगिती दिली आहे.

या निर्णयाला स्थगिती दिल्याने माजी मंत्री आणि भंडारा-गोंदिया जिल्ह्याचे माजी पालकमंत्री डॉ. परिणय फुके यांनी यासंदर्भातील निर्णयासाठी मुख्यमंत्री आणि उपमुख्यमंत्री यांचे आभार देखील मानले आहेत.

घरगुती विजग्राहकांच्या भावना लक्षात घेत माजी मंत्री डॉ. फुके यांनी अलीकडेच उपमुख्यमंत्री देवेंद्र फडणवीस यांच्यासोबत नागपूर निवास स्थानी भेंट घेऊन स्मार्ट प्रीपेड मीटर संदर्भात चर्चा केली होती. या चर्चेनंतर घेण्यात आलेल्या सकारात्मक निर्णयानंतर सर्वसामान्य माणसाला दिलासा मिळाला आहे.

फुके म्हणाले, वीज वितरणाच्या दरम्यान संभावित तोटा (डिस्ट्रिब्युशन लॉस) कमी व्हावा किंवा रोखता यावा या उद्देशाने तसेच वीज वितरण कंपन्यांचे गुणवत्ता व विश्वासार्हतेचे निर्देशांक वाढावे, मानवी चुका कमी व्हाव्यात, जलद ग्राहक सेवा मिळावी तसेच उत्तम सुविधा ग्राहकांना मिळाव्यात या उद्देशाने स्मार्ट मीटरची योजना जुलै २०२० मध्ये केंद्रीय ऊर्जा मंत्रालयाकडून तयार करण्यात आली होती. परंतु, स्मार्ट मीटर बसाविण्यासंदर्भात घरगुती ग्राहकांमध्ये असलेला रोष व अस्वस्थता बघून उपमुख्यमंत्री ना. श्री. देवेंद्र फडणवीस यांच्यासोबत चर्चा करण्यात आली.

‘आता राज्यात ही योजना सरकारी कार्यालयासाठी राबविण्यात येणार आहे. घरगुती वीज वापरासाठी मात्र स्मार्ट मीटर राहणार नाही, यावर स्थगिती देण्यात आली आहे. या निर्णयामुळे घरगुती वीज ग्राहकांमध्ये आनंदाचे वातावरण असून महाराष्ट्र शासनासह माजी मंत्री डॉ.परिणय फुके यांचेही आभार मानले आहेत.

Related posts