जनता दरबारातून मंत्रालयापर्यंत पोहोचला, आशा गट प्रवर्तकांच्या मानधनवाढीचा मुद्दा, लवकरच निघणार जीआर – डॉ.फुके

209 Views

 

भंडारा/गोंदिया. (31 जाने.)
भंडारा-गोंदिया जिल्ह्याचे माजी पालकमंत्री डॉ.परिणय फुके यांनी २९ जानेवारी रोजी लाखनी येथे आयोजित केलेल्या जनता दरबारात आशा गट प्रवर्तकांच्या मानधनात वाढ झाल्याची बाब समोर आली होती. शासनाने मानधन 6200 रुपयांवरून 10 हजार रुपये करण्याचे आदेश दिले होते, तरीही दीड महिना उलटून गेला तरी शासनाने शासन निर्णय जारी केला नसल्याचे आशा समूह प्रवर्तकांनी सांगितले.

याबाबत आशा गट प्रवर्तक महिलांची तक्रार ऐकून माजी पालकमंत्री डॉ.परिणय फुके यांनी त्यांना धीर दिला व आज ३१ जानेवारी रोजी सार्वजनिक आरोग्य विभागाचे अतिरिक्त सचिव मिलिंद म्हैसकर यांच्यासमवेत मुंबई दरबारात बैठक घेतली.

या बैठकीत आशा गट प्रवर्तक महिलांच्या शिष्टमंडळासह त्यांनी मुंबई मंत्रालयाच्या आरोग्य विभागाचे अपर मुख्य सचिव मिलिंद म्हैसकर यांच्याशी चर्चा करून शासनाने मानधनात वाढ करण्याबाबत दिलेल्या आश्वासनाची माहिती दिली आणि मानधन वाढ वर त्वरीत शासन निर्णय काढण्याबाबत सकारात्मक चर्चा केली.

माजी पालकमंत्री श्री.फुके यांची ही बाब गांभीर्याने घेत सार्वजनिक आरोग्य विभागाचे अपर मुख्य सचिव श्री.म्हैसकर यांनी शासन द्वारे मान्य केलेले आशा गट प्रवर्तकांच्या मानधनात १० हजार रुपयांनी वाढ करण्याचा आदेशावर १५ दिवसाच्या आत शासन निर्णय काढून न्याय मिळवून देऊ, असे आश्वासन दिले.

माजी पालकमंत्री डॉ.परिणय फुके यांच्या जनता दरबारात मांडलेल्या मागणी वर श्री फुके द्वारे त्वरित दखल घेऊन आणि तातडीने मुंबईला नेऊन यावर कायमस्वरूपी तोडगा काढल्याबद्दल आशा गट प्रवर्तकाच्या महिलांनी आनंद व्यक्त करत डॉ.परिणय फुके यांचे आभार मानले.

शिष्टमंडळातुन यावेळी भंडारा जिल्ह्यातील सौ. रशिलाताई चोपकर, सौ. संगीताताई उरकुंडे, सौ लिलावतीताई दलाल, कल्याण येथील सौ. निशाताई माली, ठाणा येथील सौ. आरतीताई पडारे, सौ.निलमताई पास्ते, सौ. उज्वलाताई जाधव, सौ. सारिकाताई पाटील आदि महिला उपस्थित होत्या.

Related posts