Category: गोंदिया

540 Views  गोंदिया: श्री. लक्ष्मणराव मानकर शिक्षण महाविद्यालयाचे प्रा. जयंत बनसोड यांना राष्ट्रसंत तुकडोजी महाराज नागपुर विद्यापिठाने आचार्य पदवी प्रदान केली आहे. ” शिक्षक नीतीतत्वाचा शालेय संघटनात्मक वातावरण आणि मुख्याध्यापकाच्या नेतृत्व वर्तन संदर्भात अभ्यास ” असा त्यांचा संशोधनाचा विषय होता. त्यांनी हे संशोधनकार्य डाॅ. आर.एल.निकोसे, प्रोफेसर तथा कार्यकारी प्राचार्य पुंजाभाई पटेल शिक्षण महाविद्यालय गोंदिया यांच्या मार्गदर्शनात पुर्ण केले. त्यांच्या यशाचे संस्था सचिव तथा माजी आमदार श्री. केशवराव मानकर, डाॅ. संघी, डाॅ. पदमा राऊत, चंद्रपुर जिल्हा प्रहार शिक्षक संघटनेचे उपाध्यक्ष श्री. प्रकाश बनसोड, मित्रपरीवार व हितचिंतकांनी कौतुक केले.

585 Views  प्रतिनिधि। गोंदिया,दि.19 : कोविड-19 रोगाच्या संसर्गामुळे आई-वडील दोघांचेही निधन झाल्यावर त्यांच्यावर अवलंबून असलेल्या बालकांच्या जीवनावर गंभीर परिणाम होत आहे. अशा बालकांच्या काळजी व संरक्षणासाठी जिल्हास्तरीय कृती दल (टास्क फोर्स) गठीत करण्यात आले आहे. कोविड-19 प्रादुर्भावाच्या काळात जिल्ह्यातील बालकांची काळजी व संरक्षणाचे काम करणाऱ्या संस्थांमधील बालकांना तसेच कोविड-19 मुळे दोन्ही पालक दगावलेल्या बालकांना त्यांचे न्याय हक्क मिळवून देवून त्यांचे यथायोग्य संगोपन होण्यासाठी आवश्यक उपाययोजना करण्यासाठी 19 मे रोजी जिल्हाधिकारी दिपक कुमार मीना यांच्या अध्यक्षतेखाली बैठक आयोजित करण्यात आली होती. बैठकीस जिल्हा महिला व बाल विकास अधिकारी तुषार पौनीकर, जिल्हा…